أخبار سريعة
الرئيسية / أخبار سريعة / كيف تتحول من عالم لعالمه بصاجات (فاروق الباز نموذجاً)

كيف تتحول من عالم لعالمه بصاجات (فاروق الباز نموذجاً)

الجسر-ياسر نجم-17072016--1

 

 

ياسر نجم
كيف تتحول من عالم لعالمه بصاجات (فاروق الباز نموذجاً)…
الدكتور فاروق الباز..منزل بوست بعنوان : مصر على الطريق الصحيح…
%d8%a7%d9%84%d8%ac%d8%b3%d8%b1-%d9%8a%d8%a7%d8%b3%d8%b1-%d9%86%d8%ac%d9%85-%d9%83%d9%8a%d9%81-%d8%aa%d8%aa%d8%ad%d9%88%d9%84-%d9%85%d9%86-%d8%b9%d8%a7%d9%84%d9%85-%d9%84%d8%b9%d8%a7%d9%84%d9%85%d9%87مصر ازاى بقى على الطريق الصحيح..يا أبو المفهومية ؟
بيقول لك: ان الدولار بيغرق وبيودع (مش الجنيه)…وخلاص بيحفروا له قبره على مستوى العالم كله..وكل الدول اتفقت انها تدفنه حي..
طب ايه الدليل؟
بيبشرنا فاروق الباز بخبر “جديد لانج” ان فيه بنك اسمه بنك الإستثمار الأسيوى مشتركة فيه 11 دولة هى مصر والصين وكوريا الجنوبية وكوريا الشمالية وانجلترا والمانيا وسويسرا والبرازيل والهند وكوبا…هو اللى ورا الخطة دى..
(الدول الغربية وكوريا الجنوبية متفقة مع كوريا الشمالية ضد أمريكا..واخد لى بالك انت ؟)
وان الخطة عبارة ان الدول دى فيما بينها تتعامل بعملاتها المحلية فى البيزينيس بينها..
وان ده فى الحالة المصرية هايضرب أمريكا ضربة موجعة لأنها هاتتحرم من تعاملات ب14 مليار دولار بحاااااااااااااااالهم..
وان ده هايقلل سعر المنتجات الصيني فى مصر لأن اليوان الصيني ب1.2 جنيه مصري بس…مش 15 جنيه زى الدولار..
وان المصريين هايهيصوا لما السياح الصينيين ييجوا يصرفوا يواناتهم فى مصر..وبدل الدولارات يلعبوا باليوانات لعب…
فالدكتور فاروق بيقول لكم: خلاص الدولار منتهي يا جماعه…واللى معاه دولار يلحق يخلص منه بسرعه..

1- فتح كلام كده..البنك اسمه بنك الإستثمار الآسيوي للبنية التحتية..وهدفه دعم البنية التحتية فى الدول الآسيوية…
ومشتركة فيه بالفعل 57 دولة مش 11…(طبعا مافيهمش كوريا الشمالية)..
وفاتح بقى له سنة…
2- صحيح بالفعل ان الصين عاملاه لأسباب تتعلق بتحجيم الهيمنة الأمريكية على الإقتصاد العالمي…ولكن ده علشان تاخد دور منافس لأمريكا..مش علشان تقضى على الدولار..
أمريكا لها 16.5% من أصوات صندوق النقد الدولى..والصين لها 6% بس..والصين حاولت محاولات مستميتة..انها تزود نسبتها بدون جدوى..
فعملت البنك ده..وعملت لنفسها فيه 26% من التصويت…
مصر لها في صندوق النقد 0.4%…وفى البنك الجديد بتاع الصين 0.8%…..
يعني فى صندوق النقد انت عبد ذليل لأمريكا..وفي البنك الجديد..انت عبد ذليل للصين..
(بس أكيد الصين طبعا مدخلاك علشان انت وحش وهاتقضى معاها على الدولار وتدفنه حي)..
3- كان فيه بالفعل (بعيد عن موضوع البنك)…محاولة لاستخدام العملات المحلية فى التبادل التجارى بين مصر والصين..لكن فشلت لأنهم لقوا ان التبادل ده 90% منه تصدير من الصين لمصر و10% بس تصدير من مصر للصين..زى ما فشلت قبل كده من سنتين مع روسيا..
فعملوا اتفاق بديل…حاجه اسمها تبادل عملة بين البلدين ب2.7 مليار دولار..بما معناه..مصر تشترى بالجنيه من الصين يوانات صيني بالقيمة دى..وتستخدمهم فى الاستيراد..فتقلل شويه الإعتماد على الدولار..بس برضه مش هاينفع تستخدمهم الا فى الإستيراد من الصين…
4- التبادل التجارى بين مصر والصين اللى هايوجع أمريكا 12 مليار دولار مش 14…
علشان تاخد فكرة بس..التبادل التجارى بين الصين وأمريكا بس 660 مليار دولار…
5- بغض النظر عن أى حاجه الخطوات دى مش وحشة…انك توجد بدائل من عملات تانية غير الدولار..وتساهم فى اى محاولات عالمية لتقليل هيمنة أمريكا واحتكار الدولار للإقتصاد العالمي..
بس كل ده مالوش علاقة بالهجص والتحشيش اللى مخرفه فاروق الباز…
6- اليوان الصيني النهارده بعد التعويم ب2.5 جنيه مصرى مش 1.2..
وده يبين هطل العالم الكبير….
عملتك نزلت النص قدام كل عملات العالم….الدولار واليوان والاسترليني واليورو والريال والدرهم…
المشكلة مش فى الدولار يا أبو جهل..المشكلة فى الجنيه…ولو استبدلت اليوان بالدولار…كل المشاكل هاتبقى نسخة بالكربون مع اليوان بدل الدولار…
البضاعة اللى بتشتريها من بره ب100 ألف دولار…كانت ب800 ألف جنيه ودلوقتى بمليون و600 ألف جنيه..
نفس البضاعة كانت ب680 ألف يوان..وكنت بتشتريها ب800 ألف جنيه مصري…
مازالت ب680 ألف يوان..لكن هاتشتريها دلوقتى برضه بنفس المليون و600 ألف جنيه..
7- أنا مش مستغرب الحقيقة ان عالم المفروض فى ناسا..بيفكر كده…ده النتاج الطبيعى لمخ ناصري – سيساوى معا..ممشياه لجان اليكترونية..وشئون معنوية…
ان شالله حتى كان مخه مخ أينشتاين نفسه…
آه نسيت اقول لكم حاجه مهمة..
الدكتور فاروق الباز فى البوست اللى بينصحكم فيه بالتخلص من الدولار…لأنه بيحتضر…
ماتكسفش انه يخبي العنوان اللى باعت منه البوست:
بوسطن – الولايات المتحدة الأمريكية….
صورة بوست العالمه أم صاجات فى التعليقات…
……

التعليقات مغلقة

إلى الأعلى