أخبار سريعة
الرئيسية / أخبار سريعة / لو عايز تطمن على حال البلد النهاردة.إصابة 171 تلميذ بتسمم في بني سويف بعد تناولهم وجبة فاسدة أمام المدرسة

لو عايز تطمن على حال البلد النهاردة.إصابة 171 تلميذ بتسمم في بني سويف بعد تناولهم وجبة فاسدة أمام المدرسة

الجسر-احمد كمال-لو عايز تطمن على حال البلد النهاردة24022017--1احمد كمال
لو عايز تطمن على حال البلد النهاردة..
فمصر وممثلتها مشيرة خطاب حصلت على 11 صوت في إنتخابات رئاسة اليونسكو مقابل 19 لمرشح قطر اللي حصل على المركز الأول في الجولة الأولى … يا شماتة أبلة ظاظا فينا
– وإصابة 171 تلميذ بتسمم في بني سويف بعد تناولهم وجبة فاسدة أمام المدرسة … انا مش عارف الصراحة هل موضوع تسمم التلاميذ ده تبع الخطة القومية لمواجهة كثافة الفصول، ولا موردين التغذية في المدارس والباعة الجائلين قدام المدارس عاملين رهان بينهم مين اللي يسمم تلاميذ أكتر
– وروسيا أعلنت ان مصر أبرمت معها أكبر صفقة سلاح منذ إنهيار الاتحاد السوفيتي … هو بما ان علاقتنا دافئة مع إسرائيل وبنعمل معاها مناورات عسكرية مشتركة، وبقينا زي الفل مع حماس، وداخلين على تركيا وأعلنا عن عقد مؤتمر إقتصادي مصري تركي في اسطنبول الشهر الجاي، وغالبا قطر بعدها، و نجحنا في سينا.. يبقى غالبا بنشتري كل الأسلحة دي عشان في كائنات فضائية مستهدفانا والريس لما كان بيبص في السقف كان بيرصدهم … ياريس كفاية أسلحة بقى مش عشان لبسوك جاكت ال 100 مليون يقلعوا اللباس
– وعركة بين وزارة التعليم ووزارة المالية، والتعليم طالعة تشتكي ان المالية عطتها 81 مليار بس من نصيبها في الموازنة ومش راضية تجيب الباقي … ودول وزارتين ولا أم سارة عاملة جمعية مع أم عبير وضاربة عليها
– وعزت أبوعوف بيستغيث ان فاتورة كهرباء البيت الشهر ده جاتله بـ 13 ألف جنيه … غالبا الدكتور عزت بيخصب يورانيوم كل يوم بالليل
بس والبلد بخير وزي الفل
….

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

إلى الأعلى