أخبار سريعة
الرئيسية / أخبار سريعة / التهيئة للعلاقة الحميمية-2

التهيئة للعلاقة الحميمية-2

الجسر-دعاء راجح-زعل المحبوب15102017--2د. دعاء راجح
استكمالا لبوست امبارح
لو الزوجة قافلة من جوزها و معندهاش رغبة فى ممارسة العلاقة الحميمية معاه
الاسباب كتيرة اوى
ممكن تكون العلاقة متوترة و بينهم مشاكل كتير مش بتتحل
او العلاقة الجنسية غير مشبعة ليها و ممكن توصل لانها بتتعبها اكتر مش بتريحها
او نفسيا مفيش حب او حتى قبول ليه
فيه زوجات بتوصل انها مش قادرة انه حتى يلمسها من كتر نفورها او كرهها ليه
و ساعات بتكون دى فترات مؤقتة هى فترة الزعل بينهم و دا طبيعى
لو بترجعوا تانى زى السمنة على العسل
لكن احساس بالنفور الدائم
هنا الزوج عليه عامل كبير فى حل المشكلة دى طبعا
الزوج الشاطر الناجح هو الى بيعرف ازاى يحتوى مراته و يكسب قلبها و حبها لحد ماتقوله : هيت لك
و الموضوع دا محتاج كورسات و كتب لا يتسع البوست ليها
بس انا كلامى للزوجة هتعمل ايه ؟
اول حاجة تفهم نفسها ايه سبب النفور دا
يعنى تعد مع نفسها كدة و تحدد بالورقة و القلم ايه الاسباب ؟
هل السبب فى شكله مثلا او ريحته او طريقة لبسه
هل السبب فى سلوكياته المتعلقة بطلب العلاقة الخاصة نفسها بيطلبها بجليطة مثلا
او مش عايز مداعبة و بيدخل فى الموضوع علطول
او سلوكه و كلامه اثناءها او بعدها
حددى بالظبط ايه الى بيضايقك مع العلاقة
هل السبب فى مشاكله الى بيعملها خارج العلاقة الخاصة و انتى حاسة بالألم و مش عارفة تصفى ليه ؟…
حددى بالظبط مطلوب منه ايه علشان تصفى
هل السبب جواك انت تحديدا انك مابتحبيش العلاقة دى اصلا او بتقرفى منها ؟
او انك حاسة بضغط شديد و ارهاق نفسى مخليكى فقدت الرغبة
الاسباب كتيرة اوى
حطى ايدك على اسباب واضحة و محددة علشان تقدرى تتكلمى فيها بوضوح
فيه زوجات كتير بتعد تتهرب و تتجاهل و مابتعرفش تواجه و تتكلم للاسف
لانها مش عارفة تحدد
او مش قادرة تتكلم
لكن دا بيكبر المشكلة مع الوقت مش بيحلها
لما هتفتحى الموضوع معاه تفتحيه بمنتهى الهدوء و الرقة و الذوق
المواضيع دى من المواضيع الحساسة الى محتاجة ذوق عالى فى طرحها
اتكلمى بطريقة (أنا اتمنى )مش (انت مابتعملش او بتعمل )
مثلا :
ماتقوليش : انت بتدخل على زى الطور كدة
قوليله : اتمنى فترة مداعبة قبل الجماع تعمل فيها كذا و كذا
ماتقوليش : انت انانى ما بتحبش الا نفسك و مزاجك و بس
قوليله : اتمنى ساعة الجماع تطول معايا شوية لانى ببقى محتاجة اشبع منك انا كمان
و انتى ممكن تحاولى تطولى الفترة دى باخراجه من جسدك كل شوية بدلال قبل مايوصل للقذف
فيه ازواج عايزة تسعد زوجاتها بالفعل بس مش عارفة ازاى ….و دى لازم الزوجة تتكلم فيها و غالبا بيستجيب
و فيه ازواج معندوش استعداد يتغير او يغير و العلاقة بالنسباله وسيلة لافراغ الشهوة و بس و دول مفيش منهم رجاء
و فيه ازواج حسب المزاج
لو مزاجه رايق و راضى عنك هيعملك الى انتى عاوزاه و لو قرفان هيبقى مقرف
اما لو ماعرفتيش تحددى الاسباب
او ماعرفتيش تخليه يستجيب
او ان الاسباب نفسية عندك انت
فالتمسى مساعدة طبيب النسا او الطبيب النفسى يمكن يساعد
و لو ماوصلتيش لحاجة يبقى الافضل تقوليله : روح اتجوز و ماتقرفنيش بأة
و غالبا دول الى بيدوروا لازواجهم على عروسة
اعمليها و كونى بطلة
و هتتشهرى كمان
‎د. دعــــــ راجح ـــــاء

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

إلى الأعلى