أخبار سريعة
الرئيسية / أخبار سريعة / ​لو عايز تطمن على حال البلد النهاردة.. فالرئيس الأمريكي ترامب أعلن رسميا الإعتراف بالقدس عاصمة لإسرائيل ونقل السفارة فيها

​لو عايز تطمن على حال البلد النهاردة.. فالرئيس الأمريكي ترامب أعلن رسميا الإعتراف بالقدس عاصمة لإسرائيل ونقل السفارة فيها

الجسر-احمد كمال-لو عايز تطمن على حال البلد النهاردة..فتم الإعلان عن إتفاقنا مع شركة إيرباص لتصنيع قمر صناعي لمراقبة الحدود 26102017--2

 

 

احمد كمال
الجسر-احمد كمال-​لو عايز تطمن على حال البلد النهاردة فالرئيس الأمريكي ترامب أعلن رسميا الإعتراف بالقدس عاصمة لإسرائيل 06122017--1 ..لو عايز تطمن على حال البلد النهاردة..
فالرئيس الأمريكي ترامب أعلن رسميا الإعتراف بالقدس عاصمة لإسرائيل ونقل السفارة فيها … هما صحيح أخدوا مننا القدس بس الحمد لله احنا بنكسبهم في بوست “تحداني يهودي..”
– والإعتداء على مصري في الكويت ونقله للعناية المركزة … والحكومة المصرية تطالب بالتحقيق الفوري ومعاقبة الكويتي بتهمة إعتدائه على حق من حقوقها وأضاع عليها فرصة فشخ مواطن وتطلب تعويضها بشخص آخر سليم بدل اللي باظ
– والبنك الدولي وافق على إعطائنا قرض ب 1.15 مليار دولار … احنا برستيجنا يبوظ لو عدى يوم من غير ماناخد قرض
– ومسلحين ضربوا نار على محل حلاقة برفح وقتلوا 3 أشخاص … يعني لو حلقنا شعرنا ودقننا الإرهابيين يقتلونا، ولو ربيناهم يتقبض علينا
– وخبير إقتصادي على قناة Ten: “مصر عليها استحقاقات بما يقرب من 13 مليار دولار خلال العام المقبل” … لما يجولنا يطلبوا فلوسهم السنة الجاية مانفتحلهمش الباب ونعمل اننا مش موجودين.. ولو فضلوا لازقينلنا عالباب نزألهم بالطوب من فوق السطح
– وإلهام شرشر زوجة حبيب العادلي عملت مداخلة تليفونية مع عمرو أديب … بعيدا انها قالت “أنا عارفة جوزي كان فين ومش هقولك” وده يعتبر تستر على مجرم هارب … وانها في نهاية المكالمة قالت “هبلغ زوجي حبيب بك العادلي بحب المصريين له” وطبعا معروف مدى حبنا ل “حبيب بك” اللي هو زي حبنا كده بالظبط للريس … انها كانت قاعدة طول المكالمة تشخط في عمرو وكل شوية تقوله “متقاطعنيش.. متعليش صوتك عليا” وهو قاعد قطة بلدي مابيردش عليها وهي بتشكمه ومفكرة نفسها مراته مدام لميس
– ووزارة المالية أعلنت عن وصول عجز الموازنة العامة خلال 3 أشهر ل 85 مليار جنيه … وأكدت انهم مهتمين بعلاج هذا العجز والإستعانة بالدكتورة هبه قطب
بس والبلد بخير وزي الفل
….

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

إلى الأعلى