أخبار سريعة
الرئيسية / أخبار سريعة / نفسى اقول للنساء حاجة بس خايفة..الرجل كائن بسيط جدا جدا

نفسى اقول للنساء حاجة بس خايفة..الرجل كائن بسيط جدا جدا

الجسر-دعاء راجح-بنات اليوم07092017--1د / دعاء راجح
نفسى اقول للنساء حاجة بس خايفة و ربنا
يمكن بقولها للنساء فى القعدات معاهم
فى اللقاءات و المحاضرات الحريمى
فى الاستشارات الخاصة معاهم
الرجل كائن بسيط جدا جدا
لما بيبقى عايز حاجة بيطلبها مباشرة او بيعملها
الا لو كان عنده اضطرابات نفسية فدا بيبقى غامض و خطر فعلا
الستات تفكيرها معقد حبتين لانها لما بتفكر بتجيب من الماضى و المستقبل
و تطلع المشاعر و الانفعالات الماضية و المخاوف المستقبلية
و الذاكرة الى بتجيب من الماضى قوية
و الحدس الى بينتبه للاخطار المستقبلية قوى
و بتعد تفكر فى اقوال اهلها و اصحابها و صديقات الجروبات الى هى مشتركة فيها
و تعد تفكر فى عيالها و المجتمع و الناس و الوطن العربى كله
بتعد تحلل و تفسر و تستنتج و تتنبأ و تشغل عقلها زيادة عن اللزوم فى محاولات فهم الرجل
و هو تلاقيه قايلها الموضوع و احتياجاته و مشاكله بمنتهى الصراحة و الوضوح و بدون اى مواربة
فتلاقيها بتأفور اوى الحاجة البسيطة
و تأفور أوى تصرفاتهم
لو عرفتى الرجالة بتفكر ازاى هترتاحى جدا جدا
و هتبطلى تفكير كتير
كنت عاملة دورة مستمرة على التليجرام على الرابط دا
و كانت علشان نعلم الناس من الجنسين التفكير العقلانى المنطقى البعيد عن المشاعر

https://t.me/thinkingskills

نقطة تانية هتزعل الرجالة بس هقولها برده و امرى الى الله
هو بوست شتيمة و هنستحمله
الست فى العصور الحديثة قدرت انها تقوم بدور الراجل و الست
بيوت كتير اوى شايلاها ست لوحدها
و نادر جدا جدا لما تلاقى راجل شايل البيت لوحده
الراجل معرفش يقوم بالدورين
بل بالعكس
ادواره تناقصت مع خروج المرأة للعمل و للحياة
و بقت بتقدر تعمل كل حاجة لوحدها
يعنى الستات دلوقت يملكوا من المهارات و القدرات
اضعاف الرجل
مهارات عملية حياتية و مهارات عاطفية نفسية فى خلقتهم كمان
فى علم الاعصاب بيقولوا ان الست بقت بتشغل النصين بتوع المخ
لانها اصبحت اكثر قدرة و رغبة فى التعلم و التميز
فاتعلمت مهارات الرجل و بتعمل اى حاجة بيعملها الراجل
و الراجل لسة بيشغل نص واحد بس
و تفكيره ١+١=٢
بسيط و غير معقد
دا فى المجتمعات الغربية
و غالبا الرجالة العرب بيشغلوا ربع بس
( فيه الجنس و الكورة و الشغل )
فيا اما تراعوا قدراتهم وترحموا ضعفهم و تتعاطفوا مع غباؤهم العاطفي
و عدم قدرتهم على التحدث بلغة المشاعر او فهمها او التعبير عنها
او انه يفهمها عند الاخرين بتعقيداتها المختلطة بالماضى و المستقبل
و تتعاملوا معاهم بالطريقة الى مخهم شغال بيه الى هم بيفهموها
١+١=٢من غير لت و عجن كتير
يا اما تبطلوا جواز و تسيبوهم فى حالهم وفى اهتماماتهم
يلا اشتموا و اضربوا بأة
….

التعليقات مغلقة

إلى الأعلى