أخبار سريعة
الرئيسية / أخبار عاجلة / عدم التقدير..من أسوأ المشاعر الانسانية

عدم التقدير..من أسوأ المشاعر الانسانية

الجسر-دعاء راجح-زعل المحبوب15102017--2د.دعاء راجح
من أسوأ المشاعر الانسانية الى الواحد ممكن يحس بيها هو عدم التقدير
ان واحد يبذل مجهود نفسى او بدنى من اجل ان يسعد الآخر
و يمكن كمان يقابل مجهودة بالاستخفاف و الاستهانة
او النقد و الادانة
او اللوم و الاهانة
احساس صعب جدا بيحصل فى العلاقات الانسانية و يؤدى مع الوقت الى انهيارها
بيحصل بين الزوجين و بيحول العطاء فى الحياة الزوجية الى واجب ثقيل و عبء نفسى و بدنى رهيب
و يمكن يخليه يتوقف تماما مع الوقت
بيحصل فى بيئة العمل لما تكون حاسس انك عملت انجاز كبير و لا تجد من رؤساءك الا النقد و اللوم
معوقات فكرية كثيرة بتخلينا مش بنحس بتقدير اعمال الاخرين
احساسنا ان دا واجب عليه …
ربنا سبحانه و تعالى يثيبنا على افعالنا الصالحة فى الدنيا و الاخرة
الى هى اصلا واجب علينا مقابل نعمه التى لاتعد و لا تحصى
احساسنا اننا بنستقل العمل …
تقول : هو يعنى بيعمل ايه ماهو بيروح من الشغل و ييجى من الشغل زى كل الرجالة !!!!!
طب تخيلى كدة انه اصيب بحادث اقعده او انه توفاه الله او انه طلقك و طفش
و شوفى هتقدرى تتحملى المسئولية المادية و طلبات البيت و العيال كاملة فى ظل الاحوال الاقتصادية الحالية ازاى ؟؟؟
يقول : هى بتعمل ايه يعنى !!!!
ماطول النهار بتدلع و قاعدة أدام التليفزيون و الموبايل مابتعملش حاجة
طب تخيل انك فقدتها كدة و اضطريت فى يوم واحد بس تتحمل مسئولية البيت و الاطفال
ساعات كمان بيكون العطاء أحول
يعنى انا اعطى الكثييير و لكن مهمل فى الاحتياجات الحقيقية للآخر
زى واحدة هارية نفسها طول النهار فى شغل البيت و جوزها محتاج اكتر تعد معاه و تشاركه
وواحد هارى نفسه فى الشغل ليل و نهار و مهمل فى احتياجات مراته الفعلية العاطفية
فمهما اعطى لايشبع الاخر
التقدير بيبقى احساس داخلى بان الاخر بيعمل حاجة مفيدة….احساس بالامتنان
الشكر هو التعبير عن الاحساس الداخلى دا بالكلمات
التكريم درجة اكبر هو الاعلان عن الامتنان أدام الاخرين
والمكافأة هو العطاء المادى شكرا و امتنانا
التقدير هو احتياج نفسى عميق لكل واحد فينا نحتاجه جميعا ممن حولنا كى نشعر بقيمة ما نفعله
و طول ما احنا ما بناخدوش بتقل قدرتنا على العطاء و تقل كفاءتنا فى انجاز الاعمال
و يصبح العطاء نوع من القهر النفسى
….

التعليقات مغلقة

إلى الأعلى